Поедноставените процедури почнаа да ги даваат посакуваните резултати, се зголемува интересот кај граѓаните и компаниите за поставување на фотонапонски централи на покрив.
Од Богданци ја започнуваме кампањата за промоција на новата поедноставена процедура, приближувајќи им ги значајните придобивки на граѓаните.
Во таа прилика остварив средба со градоначалникот Блаже Шапев и со Никола Гогов, жител на Богданци, кој е првиот кој доставил известување до општината за поставување на фотоволтаици на својот покрив, според новата процедура.
Ова е уште еден доказ дека со посветена работа и носење на корисни мерки успеваме да овозможиме подобри услови за живот на граѓаните, зајакнување на економијата и полесно надминување на предизвиците.
