Развојот на македонското земјоделство и агросектор е врвен приоритет во работата на Агенцијата за финансиска поддршка во земјоделството и руралниот развој.
Во услови на криза која ги поремети сите нормални текови во секојдневното живеење и функционирање, заедно со службите од АФПЗРР успеавме да останеме посветени на имплементација на програмите, уредбите и мерките кои постојат како правна рамка за поддршка на македонскиот аграр.
Последните 60-тина дена беа исполнети со реализација на исплати, теренска имплементација на мерки, нови јавни повици и одобрени инвестициски проекти.
▪️Исплатени субвенции во сточарскиот сектор – директни плаќања за пчели, говеда, овци, кози, гоеници, задржано женско јагне и задржано женско јаре
▫️Исплата за премија за произведено и предадено млеко од јануари – јули 2021
▪️Исплатени субвенции во растителниот сектор – директни плаќања за користен сертифициран материјал и предадени градинарски и овошни култури
▫️Започната распределба на картички за субвенционирање на гориво за земјоделска механизација за 50.000 земјоделци
▪️Поддршка на извозот на вино преку мерки за маркетинг и пакување
▫️Отворен модул за аплицирање за финансиска поддршка за набавено вештачко ѓубриво за есенската сеидба
▪️Отворен јавен повик за дополнителна субвенција од 5760 денари за остварен принос на пченица, јачмен, р’ж, овес и сончоглед – предадени во преработувачки капацитет
▫️Објавен јавен повик за субвенционирање на плати за овчари
▪️Јавен повик за поддршка на функционирање на земјоделски задруги
▫️Јавен повик од ИПАРД II за преработувачката индустрија за опрема и инсталирање на обновливи извори на енергија
▪️Одобрени проекти за набавка на комбајни за ориз, изградба на силоси, набавка на опрема за тутун и поддршка за жени – земјоделки за инвестиции во преработка
▫️Отпочната постапка за избор на оператор за откуп, пакување и дистрибуција на македонско јаболко за 186.000 ученици во 350 основни училишта.
Фејсбук-статус на Никица Бачовски, директорот на Агенцијата за финансиска поддршка во земјоделството и руралниот развој
