Ноември е идеален месец за садење лешници, а сѐ поголем број луѓе се заинтересирани за садење на овој јаткаст плод со извонредна хранливост. Расадникот „Агро Река“, кој се наоѓа во тетовското село Пирок веќе седум години е успешен на пазарот во Македонија и во регионот, а купувачите се презадоволни и секогаш се враќаат по уште некоја садница.
Лешникот е листопадно дрво. Потекнува од умерените области на Северна Америка, Европа и Азија. Одгледувањето на лешници започнало пред повеќе од 5.000 години, кога луѓето ги откриле хранливите и здравствените придобивки од ова растение. Лешниците се многу популарни и едни од најкултивираните и најконсумираните растителни видови во светот.
„Агро Река“ нуди садници од сортата Ennis, кои се набавени од Холандија, а кои потоа во расадникот сами ги калемат. Спаѓа во поновите сорти на лешници и е најкрупна сорта на лешници. Цената на една садница е 420 денари.
Карактеристики на сортата Ennis
Стеблото на лешникот Ennis е средно бујно. Круната е права, со висока родност. Ennis е сорта со умерено развиена обвивка од која плодовите лесно испаѓаат. Поради исклучително доброто формирање на плодовите, но и нивната големата крупност, спаѓа во високо родни сорти, без оглед што не раѓа во гроздови. Уште првата година дава приноси, а полн род достигнува во 7-8 година.
Оваа сорта на лешник доцна цвета, а ресите, како и женските гаметофити зрели се најчесто во март. Лешникот се опрашуваат со ветер. Ветерот носи полен до женските цветови во текот на зимата. Поленот останува неактивен 7 до 8 месеци (до мај или јуни), кога плодот почнува да се развива. Добри опрашувачи за лешникот Ennis се Lambert црвенолистен, Purpurea maxima, Contorta, Халшки џин и други.
Има убави, многу крупни плодови (просек околу 4,7 гр), со светла, пругаста лушпа. Созрева доцна. Рандманот на јадрото е висок, околу 49 %. Не е чувствителен на ниски температури. Редовната плодност е исто така добра. Ова е најкрупна сорта на лешници. Време на зреење: средината на септември, а подлогата на која се калеми е ластар, мечкина леска.
Бербата на лешници се врши од септември до октомври, кога зрелите лешници паѓаат на земјата и можат да се собираат рачно или со помош на специјално дизајнирана машина.
Расадникот „Агро Река“ нуди и садници оrevi Chandler, Fernor, Fernette по цена од 300 денари.
Телефон за контакт
072 787 600
