Законот за органско земјоделско производство беше усвоен во Собрание, означувајќи важен чекор кон развојот на земјоделството и усогласувањето на државата со европските стандарди.
Овој закон создава модерна и појасна рамка за развој на органското производство, зајакнувајќи го системот на контрола и транспарентноста на пазарот. Кои барања треба да ги исполнат сточарите во органското сточарско производство.
Според член 16 од ЗОЗП
1) Покрај барањата за органско земјоделско производство утврдени во членовите 11, 12 и 13 од овој закон, во органското сточарско производство потребно е да се исполнат и следниве барања:
– во однос на потеклото на животните,
– за исхраната на животните,
– за сместувањето и практиките за одгледување на животните,
– за здравствена заштита на животните и
– за благосостојба на животните.
(2) Во органското пчеларство потребно е да се исполнат барањата за:
– местоположба на пчеларникот и
– употреба на материјали во пчеларството и собирање на медот.
(3) Се забранува органско сточарско производство без земјиште на кое производите-лот кој има намера да одгледува добиток по барањата на органско земјоделско производство не управува со земјоделско земјиште и не склучил договор за соработка во писмена форма со друг производител во врска со употреба на органски производни единици или производствени единици во преод за тој добиток, освен во органското пчеларство.
(4) Барањата за органско сточарско производство и органско пчеларство поблиску ги пропишува министерот.
Службен весник на РСМ бр.56/2026 од 17.03.2026 влегува во сила на 25.03.2026, ќе започне да се применува од 1 јануари 2027 година.
