Иако растенијата во зима мируваат, јануари и февруари се клучни месеци за ѓубрење. Со навремено и правилно ѓубрење, овошките и лозјата се подготвуваат за силен старт на пролетната вегетација, советуваат од Опитно поле – Факултет за земјоделски науки и храна.
Зошто е важно зимското ѓубрење?
Се создава резерва на хранливи материи во почвата
Се стимулира развојот на кореновиот систем
Пупките се развиваат поквалитетно
Се зголемува отпорноста на болести и стрес
Се подобрува приносот и квалитетот на плодот
Ѓубривото внесено во зима постепено се раствора и станува достапно точно кога растението ќе почне со раст.
Азотно ѓубриво стимулира раст на листовите, но не претерувајте.
Фосфор го поттикнува развојот на коренот и цветните пупки.
Калиум и калциум го подобруваат квалитетот на плодот и отпорноста на болести.
Органско ѓубре е идеално за нови садници и бобичесто овошје.
Ѓубрете кога почвата не е замрзната и не е премногу влажна.
Извор – Опитно поле – ФЗНХ
