Во вторник, 20 мај во Брисел, Европската Комисија (ЕК), Генералниот директорат за земјоделство и рурален развој (DG AGRI) и Европската инвестициона банка (ЕИБ) организираат конференција под наслов: „Осигурување и пристап до финансии за отпорност и адаптација на земјоделството во ЕУ“
Конференцијата ќе ја отворат со свои говори Кристоф Хансен (Christophe Hansen), Комесар за земјоделство и храна и Џелсомина Вигљоти (Gelsomina Vigliotti), потпретседател на Европската инвестициона банка. Конференцијата ќе се фокусира на клучните предизвици и можности за заштита на земјоделскиот сектор од климатски промени и заштита на пристапот до финансии.
Клучни теми на настанот ќе бидат: Преглед, класификација, моментална состојба и улога на системите за осигурување на земјоделското производство во ЕУ; Очекуваното влијание на климатските промени врз десет избрани земји – членки; Употреба на реосигурување и релативно новиот тип финансиски инструмент Catastrophe bonds (CAT bonds – го префрла специфичниот осигурителен ризик поврзан со природни катастрофи на определени инвеститори); Изградба на кохерентен систем за управување со ризици во ЕУ; Ефикасни и ефективни јавно-приватни партнерства за обезбедување континуиран пристап до финансии за транзиција и адаптација во земјоделството во ЕУ.
Конференцијата ќе се заснова на новото истражување: „Осигурување и алатки за управување со ризици во земјоделството во ЕУ“ чии резултати ќе бидат презентирани на настанот. Овој настан е наменет за: Управувачки органи на Европскиот земјоделски фонд за рурален развој (EAFRD); Банки и осигурителни компании активни во земјоделскиот сектор; Експерти и претставници на земјоделски синдикати; Претставници на Европската инвестициона банка и Европската комисија заинтересирани за финансиски инструменти на EAFRD;
