На вчерашната седница, Владата на Република Северна Македонија донесе Уредба со која рокот за плаќање закупнина за користење државно земјоделско земјиште се продолжи до 31. октомври 2020год. Заклучно со овој датум несмее да се раскинуваат договори за неплатена годишна закупнина на земјоделците кои не успеале да ја подмират оваа обврска.
Ова е една од мерките со кои МЗШВ ќе им помогне на земјоделците кои користат државно земјоделско земјиште, да ги надминат економските потешкотии предизвикани од пандемијата со коронавирусот.
