Германската влада донесе одлука да издава дозволи за влез во земјата на сезонски работници кои ќе работат земјоделството. Работниците ќе бидат донесени со авиони и ќе поминат две недели во карантин пред да почнат со работа.
Во четвртокот Германија најави укинување на забраната за влез на сеозoнски работници работници во земјата, извести Фајнешенал тајмс.
„Ова е добра вест за нашите земјоделци. Бербата не може да чека, а исто така и жетвата“ изјави германската министерка за земјоделство Јулија Клокнер.
„ Државата и економијата мораат да одат понатаму без оглед на пандемијата. Денес успеавме да пронајдеме пат кој ќе ни овзоможи да ја осигураме бербата и притоа исто така да го заштитиме здравјето на населението“ изјави германскиот министер за внатрешни работи Хорст Сехофер.
Според германскиот план, на земјоделците ќе им биде овозможено вработување на 80. 000 работници во април и мај. Со тоа, германската влада повикува на регрутирање на дополнителни 20.000 работници од бирото за вработување, студенти, баратели на азил и работници кои поради мерките за заштита времено не работат.
За да се избегнат долгите патувања, сезонските работници во Германија ќе доаѓаат по авионски пат и ќе мораат по доаѓањето да поминат две недели во карантин пред да почнат да работат. Сите ќе бидат подложени на здравствени прегледи.
ИЗВОР – АГРОБИЗ.хр
