Италија усвои закон со кој се овластува издавање дозволи за 40.000 сезонски работници надвор од Европската унија во земјоделскиот и туристичкиот сектор во земјата, објави италијанското здружение на фармери Колдирети.
Уредбата се совпаѓа со почетокот на сезоната на берба на јаболка и грозје, пренесува Анса. Сезонските работници ќе бидат ангажирани врз основа на апликации поднесени во локалните канцеларии за имиграција. Краткорочни договори Странските работници вработени во земјоделството главно доаѓаат од Романија, Мароко, Индија и Албанија, иако се застапени речиси сите националности, соопшти здружението на земјоделци.
Најголем дел од земјоделците се вработени по краткорочни договори. Тие работат во регионите на Верона, Фриули, Трентино, Пиемонт, Емилија Ромања и Ломбардија, помагајќи во бербата и производството на јагоди, винова лоза, јаболка, грозје и млеко, пренесува Танјуг.
