Глобалните лидери и стручњаци побараа значително и итно намалување на количините на антимикробни лекови, вклучувајќи и антибиотици, кои се користат во прехранбените системи, сметајќи ја оваа одлука за клучна во борбата против растечкото ниво на резистенција на лекови, за кое се смета дека станува глобална закана.
Повикани се сите земји од светот значително да го намалат нивото на антимикробни лекови, стои во соопштението на СЗО. Тоа вклучува престанок на употребата на медицински важни антимикробни лекови за поттикнување на растот кај здравите животни и севкупното поодговорно нивно користење.
Ова соопштение поттикна на расправа.
Целите мора да бидат специфични за секоја држава
„Она што недостасува на овој повик е јасната цел за намалување“, за Гардијан изјавил Томас ван Бекел, научник за АМР болести и системи на сточарско производство од Швајцарскиот сојузен институт за технологија. Тој смета дека не е доволно да се препорача лековите да се намалат значитилно, бидејќи таквата препорака никого не обврзува.
Овој стручњак смета дека целите мора да бидат специфични за секоја држава.
„Би било неправедно, на пример, да им се наметнуваат строги цели на земјите на земјите во развој, на кои стоката им е потребна за живот“, нагласил тој, додавајќи дека земјите со високи приходи и Кина би можеле да се насочуваат на помалку од 50 мг активни состојки антибиотици по килограм на одгледано месо.
Потсетува дека многу земји на ЕУ користат многу повеќе од тоа, што е прикажано во трудот од 2017 година на кој Бекел бил коавтор.
Таму се наведува дека глобалната граница од 50 мг антимикробни средства по килограм животински производ годишно би можела да ја намали вкупната потрошувачка за 64 проценти.
Забраната на антибиотици е против благосостојбата на животните?
Треба да се напомене и дека ревидираната Уредба за ветеринарно-медицинските производи предложила ограничување на употребата на антимикробни лекови во профилаксата (за спречување на болести) и метафилаксата (во корист на превенција од заболување кај останати здрави единки кои се во контакт со заболените животни), а која на сила во земјите челнки на Европската Унија би требало да стапи на сила на 28 јануари 2022 година.
Оваа одлука Зигфрид Модер, претседател на германското Сојузно здружение на ветеринари ја смета за голем удар за ветеринарството.
„Ветеринарната струка се залага за одговорна употреба на антибиотици и исто така поддржува научно втемелени ограничувања во сточарството. Општата забрана за употреба е во спротивност со благосостојбата на животните, бидејќи дури и со оптимални услови на чување, лечењето со антибиоици на крајот е потребно за одредени бактериолошки болести“, изјавил Модер за Agrarheute.
Одлуката за забрана ја критикува и Германското здружение за заштита на живтоните сметајќи го таквото решение за лажно. Истакнуваат дека резистенцијата на антибиотици мора да се спречи на паметен и комплетен начин.
Извор: agroklub.com
