Есенската сеидба успешно заврши за младиот земјоделец Антонио Ангеловиќ од Лозово. Земјоделското производство за него е традиција која тој ја продолжува со сета сериозност и одговорост која ја носи оваа професија.
–Есенва насеав 400 хектари со житарица од кои основно семе пченица 50 хектари и јачмен основно 105 хектари. Се одлучив годинава да посеам и семенска пченица за да имам квалитетно производство, а и за другите колеги земјоделци да имаат добро семе и повисок принос. Оставив и 50 хектари за сончоглед за проектот договорно производство со фабриката „Благој Ѓорев“ од Велес – вели Ангеловиќ.
По вокација е дипломиран економист но желбата и љубовта за земјоделското производство му е поголема од работа во администрација или некоја друга професија. Вели дека сака професионално да се занимава со земјоделство и следи каква поддршка има од државата.
-Ја очекувам мерката „Млад земјоделец“ , за која сега има најава дека ќе биде до 20 000 евра. Сакам да аплицирам за некоја приклучна механизација. Нема конкурентно производство без добра механизација- вели Антонио.
За годинава не се фали многу, претрпел штета од големо невреме во кое градот му уништил родот на стотина хектари под јачмен .
-Годинава земав субвенции редовно и се беше добро додека не се случи невремето кое ми направи зијан од 300 тони житарица. Исто така имам и 15 хектари лозов насад и со него не поминав најдобро- изјави Антонио.
На нашиот коментар дека се помалку младите сакаат да се занимаваат со земјоделство вели дека е така, а причината е мачната работа, 365 дена во годината.
-Земјоделството не е лесно, работиме постојано, на дожд, на сонце, а произведуваме храна. Затоа треба да се стимулира повеќе земјоделецот, тоа е добро за сите и за државата. За моите планови во иднина посакувам само здрвје и бериќетни години, а кога се работи макотрпно другото ќе си дојде – заклучува овој млад земјодел
