Според EuroNext тон пченица чини 214,75 евра, а тон пченка 213,50. На понатамошниот развој на ситуацијата влијаат светски велесили како САД, Русија и Кина.
Европските цени на пченицата на почетокот на неделата паднаа за два проценти поради недостиг на побарувачка, а поволното време за раст на посевите на северната хемисфера ја подигна вредноста на новата жетва. Според последните податоци на париската берза, еден тон пченица чини 214,75 евра, додека со тон пченка се тргува по цена од 213,50 евра.
Цената на житарките за мелничко-пекарската индустрија, врз основа на последните достапни договори за мај 2020/21, намалена е за два проценти, на 210,50 евра по тон.
Висока вредност постигна на 19 јануари, во договор од 236 евра по тон, а тој износ го поттикна силната потрошувачка, посебно од Кина и рускиот данок на извоз насочен во спречување на инфлацијата на храната.
Расте и загриженоста поради кинеската побарувачка, поради новите случаи на африканската свинска чума.
Кога станува збор за септемвриските цени и новата жетва, цените паднаа на 194 евра по тон, а под притисок на добрите можности.
Во Франција условите за одгледување на мека пченица останаа поволни, а најновите податоци покажуваат дека 87 % од посевите се оценети со добри или одлични.
Добри изгледи во САД и Русија
Извозните цени на руската пченица нагло паднаа минатата недела и така го продолжија падот четврта недела по ред.
„Русите мораат уште повеќе да извезуваат, па цените паѓаат, а ние ги следиме“, изјавил трговец за Ројтерс.
Меѓутоа, agrarhaute пишува дека на пазарот на житарките се зависи од податоците кои ќе ги објави Министерството за земјодлество (USAID). Станува збор за залихите пченица, пченка и соја во САД, зад што се крие извозната побарувачката и глобалната понуда од следната жетва.
Освен тоа, и силата на кинескиот увоз игра пресудна улога во формирање на цените, а неодамна Кинезите ја предупредиле Франција да испорача пченица со поголем квалитет отколку што го правела пред тоа. Во секој случај, оваа велесила најавила дека ќе ја зголеми контролата на заштита на растенијата и квалитетот.
Обилни дождови се очекуваат во регионите на Русија и САД, кои се главни во производство на оваа житарка, што би требало да ги подобри изгледите за двата водечки извозници. Во прилог на ова, рускиот советодавен совет за земјоделство (ICAR) ја зголеми својата прогноза за жетва во 2021 година од 78 на 79,8 милиони тони. Исто така и Министерството за житарки (IGC) ја објави прогнзоата за глобалното производство во сезоната 2021/22, во која се наведува рекордна жетва од 2.224 милијарди тони.
Извор: Агроклуб
