Кој не обезбедил огрев , нека побрза , а кој купил дрва , нека купи уште. Пред нас е јака и долга зима . Барем така велат жителите во селата каде што јаболката годинава процветаа по втор пат , а малините имаат плодови како на сред лето.
Меѓутоа агрономите велат дека есенското цветање е предизвикано од невообичаено топлото време за овој период од годината и дека овоштарите наместо да раскажуваат приказни ,треба повеќе внимание да му посветат на агротехничките мерки за да можат насадите што е можно поспремни да ги дочекаат снеговите.
На иста гранка и плод и цвет , а малите родија по втор пат годинава
Речиси и да нема овоштарник без есенско цветање. Додуша цветовите се ретки , само по неколку. Најмногу цветаат јаболката, а не ретко се забележува на иста гранка и цвет и плод.
Овоштарите велат дека според народните верувања есенското цветање на овошјата најавува исклучително ладна зима. Но климата веќе не е иста па така и прогнозите врз основа на овааа појава во природата се се помалку веројатни
Совет за овоштарите : Со преглед на стеблата да се утврди степенот на ретровегетација
Според најавите на метереолозите невообичаено топлото време ,со температури повисоки од 20 степени ќе се задржи речиси до ноември, а овоштарите стравуваат дека тоа би можело лошо да влијае врз растенијата. Стручњаците меѓутоа велат дека ваквата моментална состојба не е алармантна. Тие ги советуваат овоштарите, во текот на наредните денови да ги посетат своите насади и со преглед на стеблата да го утврдат степенот на ретровегетација, односно повторната појава на лисна маса и цвет после опаѓањето на лисјата. Велат дека тоа е неопходно бидејќи понатамошните мерки за нега ќе зависат токму од сегашната состојба на насадот. Во случај на ретровегетациаја на овошките ќе им биде потребна дополнителна нега. Една од првите мерки е есенско- зимската прихрана со ѓубриво кое содржи поголема концентрација на фосфор и калиум. На ваквите овошни насади исто така во наредната рана пролет пред почетокот на вегетацијата ќе биде потребно дасе направи интензивно режење. Со тоа ваквите овошни насади подобро ќе се опорават од стресот предизвикан од ретровегетацијата и ќе се воспостави физиолошка рамнотежа помеѓу растот и родноста. Во случај да овошката повеќе се разлистала тогаш потребно е таа лисна маса да се изрежи пред почетокот на зимата и да се истретира со дозволени средства на база на бакар.
Режење на врвовите каде дошло до цветање
Есенското цветање нема негативно да се одрази на родот на малинките во наредната година, но во насадите мора да се превземат одредени мерки.
Агрономите советуваат дека треба да се направи режење на врвовите на оние делови каде што дошло до цветање со што ќе се спречи намалување на приносот во наредната година. Ако има зрели плодови во секој случај треба да се соберат и да се употребат затоа што се вкусни и ароматични, а пак недоразвиените плодови заедно со гранчињата треба да се одстранат и изнесат од насадот. Останатите цветни пупки ќе се активираат при следната вегетација.
Појавата на голем број есенски цветови и пупки е исклучително штетна бидејќи со тоа се намалува отпорноста на растението од ниски температури , болести и од штетници. Една од причините за оваа појава е и неадекватното летно режење.
Сподед стручњаците, летното режење на овошките, меѓуредната обработка, уништувањето на плевелот, се само некои од агротехничките мерки што треба да се применат после завршувањето на бербата , за да може насадите да бидат сигурни во претстојниот зимски период.
Извор: Agroklub
