Казанџија, грнчар, теслар, оџачар… се само некои од професиите кои во минатиот век биле многу популарни, а занаетчиските работилници биле распространети скоро во секој град. Денес ситуацијата е сосема поинаква. Луѓето ретко се одлучуваат да се занамваат со стари занаети, особено младите кои, за многу од имињата на старите занаети никогаш не слушнале. За среќа сеуште има млади луѓе кои ја негуваат љубовта кон традицијата и рачните изработки искажувајќи го тоа преку разни видови на занаети.
Ивана Мораревиќ(27) од Нови Сад, активно се занимава со ткаење веќе една година. Сама ја научила оваа стара трхника на ткаење најмногу користејќи информации кои се достапни на интернет, но посетувала и курс за ткаење на разбој кој и помогнал да ги совлада ситните детали на овој занает. Самиот процес на ткаење, според нејзините зборови, е едноставен за изведба, а она што бара повеќе напор е стекнување на чувство за затегање на нишките.
– „Со години сакав да научам да ткаам, иако бев обесхрабрена бидејќи верував дека тоа е можно само со употреба на разбој. Дури кога случајно ја најдов руската техника за ткаење на брдо и нордиското ткаење, одлучив да се испробам во тој занает. Со оглед на тоа дека ја сакам точноста и цврстината во секоја рачна работа , ваквото ткаење веднаш ме привлече“, изјави таа.
Ивана од мала се интересирала за рачните изработки, а се занимавала и со изработка на накит од жица, плетење, везење и сл. Моментално, покрај ткаењето, активно плете и везе. Според нејзините зборови ,уште од дете наголем сон и бил да се занимава со рачни изработки и да патува по светот.
-„Отсекогаш сум чувствувала љубов кон традицијата, моите баби се занимавале со рачни изработки и тоа ме привлекуваше. Кога сама се впуштив во истражување и го открив богатството на народната традиција, таа љубов созреа. Моментално во склоп на Здружението за негување на српското народно творештво Луг Велес истражувам и работам на промоција на нашата култура“, вели оваа девојка.
Младата Ивана примарно изработува ткаенини и ремени , мотивите кои ги изработува се директно извлечени од народното творештво и народните носии. Понекогаш мотивите ги прави комплетни, но често знае да издвои само одреден дел. Таа го основала својот бренд „Božidraga tkanje“ кој настанал како идеја, нејзиното творештво, да го подели со светот. На почетокот тоа првенствено било само хоби, а сега има желба ткаењето да го претвори во извор на постојани приходи.
-„Oвој начин на ткаење е многу сличен на разбојот, нишките се вовлекуваат низ брдото, се затегнуваат и се почнува со ткаење. Брдо е алатка за ткаење која изгледа како дрвена решетка со посебно поставени отвори“, објаснува Ивана.
Според нејзиното мислење традицијата е важен дел на личноста на еден народ и важно е да се зачува за да бидеме поврзани со своите корени. Запознавањето на традицијата е воедно и запознавање на еден народ на кој таа припаѓа, а во тоа спаѓаат старите занаети исто како и самите обичаи. Ивана е вистински пример за тоа како малдите луѓе можат успешно да работат на зачувување на традицијата, народните обичаи и културата. Рачната изработка и старите занаети се добар начин да се искаже креативноста и иновативноста, а вложената енергија може да стане и редовен извор на приходи.
Извор: agromedia.rs
