Ако се занимавате со градинарство, сигурно знаете дека не е доволно да се сади само зеленчук, туку треба да додадете и цветни растенија што ќе привлечат опрашувачи и ќе ги одбиваат штетниците. А едно од најдобрите цветни растенија за тоа е цинијата. Во старите традиционални градини, цинијата била незаменлив растителен елемент во леите. Припаѓа на семејството композитае, а нејзината оригинална татковина е Мексико, што и дава соодветни карактеристики на тоа поднебје. И одговара целосно сончева позиција и ќе биде задоволена со умерено наводнување.
Нејзин единствен недостаток е тоа што цвета само во лето, значи само три месеци. Откако ќе залади и ќе стане повлажно, цинијата изгледа прилично непривлечно.
Најубава е кога е засадена во групи, а сака да бидат во друштво на мирисна ајдучка трева и украсна жалфија. Цвета во различни бои и форми. Ако на тоа додадеме дека е многу отпорна на суша и привлекува корисни инсекти во градината, таа е вистинскиот избор.
Ако ја садите од семе, кога почвата ќе се загрее, доволно е плитко да го распрснете семето над исчистената леја и да го покриете со слој компост. Семето на цинија е крупно и лесно ќе го пробие тој слој, а со редовно наводнување ќе изрти за неколку дена. Тогаш само треба да почекате, да ги следите малите пупки и да внимавате да не ги нападне плевелот. За среќа, цинијата расте брзо, па еден месец по сеидбата ќе биде толку голема и бујна што за плевелот веќе нема да треба да се грижите. Единствениот проблем што може да се појави е тежината на растението, особено кај високите сорти. Затоа, ако процените дека вашите цветни растенија може да се прекршат, дискретно поддржете ги со дрвени колци.
Примена: за одгледување во саксија (само ниски видови), за цветни леи, погодна за во вазна.
Забелешка: Треба да се внимава растојанието помеѓу садниците да биде најмалку 20 см. Се сее на почетокот на април, а младите растенија се пресадуваат само во средината или крајот на мај, во зависност од временските услови.
Извор: agrosavjet.com
