Поради сè пошироко распространетите епидемиолошки мерки, 86. „Зелената недела“ во Берлин ќе може да се следи на Интернет од 20 до 21 јануари 2021 година.
Изложби на добиток, механизација од сите видови, безброј штандови со кулинарски и други специјалитети од целиот свет, семинари, деловни состаноци и десетици илјади посетители сега се минато, а тековните теми во земјоделството и прехранбената индустрија, како што се органското производство, безбедноста на снабдувањето, одржливоста, климатските промени , дигиталниот свет на храна, како и многу други, ќе може да се следи во живо преку Интернет.
Сега сите заинтересирани ќе можат да се приклучат на виртуелното разгледување и да се запознаат со производителите и извозниците, кои поради изменетитите услови на ваков начин ќе ги претстават своите компании.
Секоја година, Меѓународната „Зелена недела“ беше место за изложба на регионални производи познати под името Бранденбургхале, а посетителите можеа да пополнат анкета за да откријат колку се склони кон такви набавки. Оваа година истите ќе бидат претставени во дигитална верзија преку седум видеа. Преку примери на добра пракса, сите заинтересирани ќе можат да научат како да донесат што е можно повеќе домашни производи на полиците.
Исто така, како дел од саемот, ќе се одржи регионална церемонија за доделување на наградите Regional Star за промовирање и маркетинг на регионални производи под одржливи аспекти. Наградата се доделува во четири категории: иновации, презентација, соработка и организација.
Освен Германија, како и секоја година, на „Зелената недела“ ќе учествуваат многу други земји, кои ќе бидат представувани од разни производители, компании, политичари и друго.
Да потсетиме, на јубилејниот 85-ти саем имаше повеќе од 1.800 излагачи од 72 земји во светот кои претставија дури 100.000 производи на импресивни 118.200 м2.
Извор: Агроклуб
