Од полноќ земјава се наоѓа во жолта алертна фаза поради засилен ветер и врнежи од дожд. Според информациите наместа ветерот стигнува брзина и до 80-90км на час. Метеролозите веќе најавија дека во следните два дена земјата ќе биде зафатена од циклонска активност проследена со врнежи од дожд и снег.
Времето ќе биде облачно и значително постудено со повремени врнежи од дожд, а на планините и на некои повисоки места од снег.
Ќе дува умерен до засилен ветер од западен и северозападен правец што ќе предизвика појава на снежни наноси.
Утринската температура ќе се движи од минус еден до шест степени, а дневната температура ќе се движи од нула до 12 степени. Во Скопје ќе биде облачно и значително постудено со повремени врнежи од дожд.
Ќе дува умерен до засилен ветер од западен и северозападен правец што ќе предизвика појава на снежни наноси. Утринската температура ќе достигне до два степени, а дневната температура до осум степени.
Во петок времето ќе биде претежно облачно со повремени врнежи од дожд, а на планините и на некои повисоки места од снег.
Пообилни врнежи ќе има во западните делови каде на планинита ќе се формира снежна покривка од 15 до 25 см и ќе има појава на снежни наноси. Ќе дува засилен ветер претежно од северозападен правец, а дневната температура ќе биде пониска за околу 10 степени.
