Заштита на атомизерите и прскалките во зима, конзервација на опремата за наводнување

Конзервирањето (зимското складирање) на прскалките е една од најважните мерки за одржување на механизацијата пред да започне зимата.

Набавката на погонски или приклучни земјоделски машини е се повеќе застапена кај просечниот земјоделец , а исто така  тоа  за нашите простори значи и издвојување на голем дел од буџетот на земјделците  . Дури можеби тоа да заначи и  задолжување односно инвестиција направена со помош на кредит. Ова е причината зошто земјоделците треба својата механизација редовно да ја одржуваат, сервисираат, чистат и да ја конзервираат во периодот  кога машините „одмараат“ .

Правилната припрема на прскалките и атомизерите пред почетокот на зимата треба да се одвива на следниот начин:

1. По завршувањето на последното прскање, темелно исчистете ги сите делови на распрскувачот, внатрешноста на резервоарот (оставете чиста вода низ цевките и млазниците),  а исто така  треба треба темелно да се исчистат и сите надворешни делови на распрскувачот.

2. Откако ќе завршите со  чистењето, исцедете ја целата вода од пумпата, регулаторот за притисок, цевката, филтерот и другите елементи каде што водата може да остане. Истурете 3-5 литри антифриз (антифриз за ладилници за моторни возила) што содржат антикорозивни средства, во резервоарот и стартувајте ја пумпата за прскање. Отворете ги сите вентили на регулаторот така што течноста да  може да стигне до млазницата преку цевките. Конечно, исцедете го остатокот од средствата во резервоарот и оставете ја пумпата да работи уште неколку минути за да го испумпа вишокот  од системот на резервоарот . Може да биде слична мешавина од вода и антифриз или зимска течност за миење на шофершајбни.

 3. Последното нешто што треба да го сторите ако планирате да го  оставите распрскувачот надвор е да го отстраните манометарот со вртење  (спротивно од стрелките на часовникот) и да го поставите на топло и суво место (на пр. во ормар)  со цел да го заштитите  од мрзнење. На овој начин ја обезбедувате неговата  долготрајност , и сте го заштитиле од ниски температури.

Одржувањето на прскалките од атомизерот  започнува дури после темелното чистење.

Цевки и спојници на цевки

Проверете дали некоја од цевките   е пукната и дали спојниците на цевката се стеснати. Слаба, испукана цевка може да пукне во средината на сезоната на прскање и може да предизвика непланирани трошоци. Проверете ги добро, доколку е потребно, заменете ги со нови.

Боја

Некои средства за прскање содржат растворувачи кои имаат агресивно влијание врз бојата. Онаму каде што бојата е оштетена, исчистете ја, извадете ја ‘рѓата и прекријте ја.

Главен резервоар

Проверете дали во резервоарот има преостанато средство за прскање. Долгото задржување на сретства   за прскање,  го скратува  животниот век на резервоарот и на останатите  компоненти. Издувниот вентил од резервоарот мора да биде затворен.

 Регулатор на притисокот

Заштитете го регулаторот на притисокот од влага и прашина. Ова може да се направи со пластична кеса. Се препорачува подмачкување на подвижни делови со  WD – 40 или со  масло.

Пумпа

После сезоната, темелно исчистете ја надворешната и внатрешната страна на пумпата пред да ја конзервирате. Проверете го бројот на работните часови и според потребите направете редовен сервис (промена на маслото, мембрана , дихтунзи, итн.).  Доколку не сте сигурни во тоа што треба да го направите обратете се во овластен сервис.

Кадранско вратило (РТО)

Безбедносната  игла на   главата од вратилото мора да се исчисти и подмачка, бидејќи  само таква може да си ја врши функцијата и да се  обезбеди таа да не испадне. Проверете го и заштитите го вратилото на PTO, функцијата и состојбата на PTO на секои 40 работни часови. Заменете ги оштетените делови со нови. На секои 100  работни часа, проверете ја состојбата на PTO-вратилото , општата состојба на PTO вратилото, а особено безбедносната игла. Заменете ги оштетените делови со нови.

Останати делови

Исчистете ги сите витални делови (филтри , ленти, дополнителна опрема …), проверете ја нивната состојба и заменете ги по потреба со нови. Од елементи како што се филтри за вшмукување, вентили, итн.,одстранете ја  преостаната вода и секаков акумулиран талог. Исто така, подмачкајте ги подвижните делови на регулаторот.

Извор: Agro-Eko Magazin