Во тек е одбележувањето на стартот на новиот земјоделско- сточарски комплекс Голд Ланд во прилепско. Ова е најнова инвестиција на групацијата „Везешари“.
,,Со проектираниот модел на Голд Ланд, е предвидено изградба на центар за откуп и складирање на зрнести култури. Оваа инвестиција не е насочена само кон задоволување на потребите на нашата компанија, туку е предвидено да прерасне во регионален центар, со што ќе овозможиме загарантиран пласман на земјоделците од регионот.”- наведе меѓу другото во своето обраќање сопственикот на ,,Весешари” Арбен Абдурахмани.
На свеченото започнување на инвестицијата присутни се премиерот Зоран Заев, вицепремиерот Бујар Османи, министрите за земјоделство и економија, амбасадори, агробизнисмени, голем број пријатели и гости на компанијата „Везешари“.
Претседателот на Владата на Република Северна Македонија, Зоран Заев за изградбата на сточарска фарма „Голд Ленд“, рече дека е придонес за локалниот економски развој на општина Прилеп и околината преку зголемување на бројот на вработени, промоција на локалната економија на домашниот и дел од пазарот во опкружувањето со доближување до највисоките светски стандарди за безбедно производство на храна, со исполнување на барањата на купувачите.
„Ова е најголемата ИПАРД инвестиција и среќен што денеска тоа може да го обзнаниме. Ова е многу суштествен инвестициски објект што ќе се гради за развој на гоење на говеда и на сточарството воопшто во државата, која во голема мерка говедското месо го обезбедува со увоз. Значајно е дека ќе се отворат нови работни места и ќе имаме конечно производство на говедско месо дома, во нашиот пазар и за нашите граѓани“, рече премиерот Заев и додаде дека оваа инвестиција исто така преставува симбиоза на големото пријателство помеѓу Република Северна Македонија и Сојузна Германија, што во трговската размена преминува 4 милијарди евра.
Премиерот Заев истакна дека оваа инвестиција е пример како треба искуството и знаењата од странство да се донесат дома и прати порака до младите, да се вратат дома, бидејќи тука има услови за инвестиции, развој и за прогрес.
„Тоа го потврдува оваа компанија. Низ призмата на поддршката преку ИПАРД програмата и секаква институционална поддршка, покажуваме дека водиме грижа за рамномерниот регионален развој, локалниот економскиот развој и севкупниот економски развој на државата, која е сервис и ви се наоѓа за реализација на идеите“, заокружи премиерот Заев.
Инвестицијата Голд Ланд директно ќе придонесе во развојот на гоењето на говеда и развојот на сточарството воопшто. Проектираниот концепт за гоење на телиња со оова најмодерно решение кое се користи во најразвиените сточарски земји во Европа, како што се Франција, Италија и Германија.
Во прво време од реализацијата на оваа ивестиција животните за тов ќе се набавуваат од некоја од евопските земји, за да во наредна фаза кога би се заокружил овој проект, се почне со одгледување на говеда по системот крава –теле, со што ќе се оформи и сопствено стадо на говеда за гоење.
Проектираниот капацитет на фармата и примената на најсовремените зоотехнички мерки ќе придонесат оваа фарма да прерасне во најголема фарма за гоење на млади бикови во земјата и во регионот. Проектираниот модел на фарма е најсовремен објект кој ги задоволува најстрогите Европски стандари за благосостојба при одгледување на фармски животни, при што телињата наменети за гоење ќе имаат избалансирана исхрана што рагантира постигање на посакуваните резултати за дневен прираст и квалитет на месото.
