Заради редовно сезонско чистење на системите за наводнување од ХМС „Тиквеш“ од присуство на алги, треви и друга вегетација, АД Водостопанство, подружница „Тиквеш“ Кавадарци ги информираше тиквешани, дека привремено ќе прекине со испораката на вода за наводнување и други потреби. Прекинот на вода за наводнување ќе трае денеска и утре.
Истовремено, јавното претпријатие „Комуналец“ од Неготино соопшти дека од истите причини, во прекин ќе биде и технолошката вода, што ја користат неготинчани.
– Молиме за порационално трошење на водата за пиење, во отсуство на технолошка вода – апелираа од комуналното претпријатие.
Снабдувањето и испораката на вода за водокорисниците, ќе продолжат од среда.
