Првиот од неколкуте бродови што ја напуштија Украина, во согласност со договорот за деблокирање на извозот на жито, пристигна вчера на својата дестинација во Турција. Станува збор за „Поларнет“ кој вплови во турското пристаниште Деринче натоварен со пченка, пишува Anadolu Agency.
Пристигнувањето на бродот го потврди и украинскиот министер за надворешни работи Дмитро Кулеба. Тој на својот Твитер напиша дека „ова испраќа порака на надеж до секое семејство на Блискиот Исток, Африка и Азија: Украина нема да ве напушти. Ако Русија се придржува до своите обврски, „житниот коридор“ ќе продолжи да ја одржува глобалната безбедност на храната“.
По шест месеци чекање во украинското пристаниште на Црното Море, капетанот на бродот Ахмет Јуџел Алибејлер не го криел задоволството кога конечно отпловил до својата крајна дестинација. Тој објасни дека на 11 февруари донел 11.000 тони уреа во пристаништето Черноморск, но не успеал да се врати пред да избие војната. Успеале да го истоварат бродот и чекале излез од пристаништето. Но, останале заробени, бидејќи веќе не било безбедно да се плови. Тој објаснува дека ситуацијата била стресна и дека морнарите шест месеци не ги виделе своите семејства и татковината.
First vessel with Ukrainian grain has reached customers in Türkiye. This sends a message of hope to every family in the Middle East, Africa, and Asia: Ukraine won’t abandon you. If Russia sticks to its obligations, the “grain corridor” will keep maintaining global food security. pic.twitter.com/rsSRrsVSUa
— Dmytro Kuleba (@DmytroKuleba) August 8, 2022Капетанот рече дека под координација на Заедничкиот координативен центар на 5 август испловиле два брода од пристаништето Черноморск и еден од Одеса и истакна дека патувањето го направиле со помош на придружба. По увидот во Истанбул им било дозволено да го преминат Босфор и да стигнат до заливот Измит.
Во контакт со пристаништето Деринце ќе започнат со истовар, бидејќи официјалните процедури за влез се завршени.
Тој истакна дека долги години се занимава со оваа работа која ја врши професионално, но дека бил презадоволен кога поминал под мостовите на Босфорот. Среќен е што конечно е дома заедно со екипажот и жали за војната бидејќи неколкупати одел во Русија и Украина превезувајќи разни товари и бил добро примен.
Вкупно 12 брода добија дозвола во рамки на договорот за житарки меѓу Украина и Русија, од кои десет имаат дозвола да заминат, а два се упатиле кон Украина. Околу 322.000 тони земјоделски производи ги напуштиле украинските пристаништа досега, главно пченка, но и сончогледово масло и соја.
