Шумскиот појас во нашата земја е огромен а вкупната шумска површина изнесува еден милион хектари или една третина од вкупната територија.Според податоците од Државниот завод за статистика последниве неколку години површината под шуми се зголемила за четири отсто.
Податоците од овде исто така говорат дека , во првото тромесечје од 2019 година вкупното производство на шумски производи во државните шуми во однос на првото тромесечје лани е зголемено за 51,4 отсто. Анализите покажале дека зголемувањето е регистрирано кај трупците од листопадни видови, просторното дрво од иглолисни видови и кај огревното дрво од овие два вида. Податоците говорат дека во 30 –те години од минатиот век нашата држава имала 600 илајди хектари површини со шума.
Р.С. Македонија има потпишано и ратификувано многу меѓународни договори и конвенции за заштита на шумите и животната средина кои влијаат врз шумарскиот сектор. Ориентацијата на земјата кон Европската Унија бара хармонизација на шумарската политика со обврските кон неа.
Според истражувањата на Европската агенција за заштита на живтоната средина,шумите во Европа сериозно се намалуваат ,како резултат на зголеменото сечење,урбанизацијата но и пожарите кои се сериозна закана последниве години.
Според анализите на Светскиот институт за природни ресурси над 12 милиони хектари тропска шума во 2018 година снемало на нашата планета . Од таму посочуваат дека од вкупната шума која исчезнала, 3.64 милиони се примарни тропски шуми што се од големо значење за климата и биодиверзитетот. Според платформите со кои се врши надзор на светскиот шумски фонд 2018 година се смета како четврта по ред најлоша година кога станува збор за намалување на шумите,после претходно трите најлоши години во 2014, 2016 и 2017 година. Ваквиот проблем со намалување на шумскито фонд најмногу се засегнати Индонезија, Демократска република Конго, Бразил, Колумбија и Боливија.
Според Законот за шуми, шумите се природно богатство и се добро од општ интерес за Републиката затоа така и да ги третираме.
