Најстудено утрово е во Берово каде што се измерени седум степени под нулата.
Како што соопшти УХМР, минусни температури во 8.30 часот се измерени и во Битола -5, -4 степени во Струмица, Тетово, Скопје-Петровец и Демир Капија, -3 во Кавадарци, Штип, Прилеп и Велес, -2 степена во Скопје-Зајчев Рид, Маврови Анови и Крива Паланка, -1 во Охрид и Претор.
На Попова Шапка и во Гевгелија 1 степен и 2 степена утрово се измерени во Крушево.
Снег има во Маврови Анови, каде висината на снежната покривка во 7 часот била 49 сантиметри, и на Попова Шапка со 47 сантиметри.
Утрово времето е сончево со појава на слаба магла во делови од регионот на Скопје и во долниот тек на Повардарието.
Според прогнозата на УХМР, во текот на денот времето ќе биде сончево со мала локална облачност. Ќе дува слаб ветер од северозападен правец. Максималната температура ќе достигне од 7 до 14 степени.
Во Скопје сончево и тивко со мала облачност. Максималната температура ќе достигне 9 степени.
МИА
