Најниска утринска температура денеска е измерена на Попова Шапка, каде се регистрирани 3 Целзиусови степени, соопшти Управата за хидрометеоролошки работи.
Според податоците на УХМР, 5 степени се измерени во Лазарополе, 6 во Маврови Анови, Битола и Крушево, 7 во Крива Паланка, 8 во Берово и Претор, 9 во Охрид, Виница и Прилеп, додека 10 степени се измерени во Куманово, Тетово, Штип и Струмица.
Во Скопје на мерната станица Зајчев Рид се измерени 11 степени, а во Велес, Кавадарци, Демир Капија и на скопскиот аеродром Петровец 12 степени. Најтопло утрово било во Гевгелија со 14 Целзиусови степени.
Во изминатите 24 часа до 8 часот најмногу дожд наврнал во Крива Паланка, каде се измерени 21 литар на квадратен метар. Во Виница наврнале 9 литри на квадратен метар, во Берово 8, во Куманово 4, а по 1 литар на квадратен метар се измерени во Штип и Лазарополе.
УХМР
