Во Домот на младината во Белград на 6 и 7 ноември ќе се одржи изложба на 12 автохтони сирења од Балканот, чиј почесен гостин е Грција, соопштија организаторите. Фестивалот ќе биде отворен во сабота, 6 ноември во 11 часот.
Посетителите ќе можат да видат повеќе од 100 видови сирења на малите млекарници како и на индивидуални производители од Србија, Босна и Херцеговина, Франција, Италија и Грција. Сирењата на Грција ќе бидат претставени под покровителство на грчката амбасада во Србија.
Посебно место ќе има за сирењата од српскиот средновековен манастир „Драганац“ од истокот на Косово и Метохија, како и сирењата што ги прават наставници и ученици од училиштето за млекарство „Д-р Обрен Пеиќ“ од Пирот и Земјоделското училиште од Футог.
Свеченото доделување на наградите за најдобро сирење според гласовите на публиката, најубав штанд и најубавосервирано сирење ќе се одржи во недела, на 7 ноември во 19 часот.
