Отворањето на винскиот музеј на Мишел Жак Шасеј, кој всушност е најголем француски вински колекционер, предизвика голем интерес, но и потсмев кај винската јавност.
Дали би издвоиле 500 евра за да видите архивски шишиња вино?!
Во ваква кризна, пандемиска година ваквото прашање делува скоро непристојно, што е веројатно и причина зошто познатите светски вински медиуми со доза на мала иронија го опишуваат новиот потфат на Мишел, Жак Шасеј, сопственик на една од најдобрите приватни колекции на вино на планетата.
– „Крунската скапоценост“ на овој познат вински колекционер од Франција, всушност е неговата приватна винарска визба, направена под неговата вила, а во неа се наоѓаат околу 50.000 скапоцени шишиња со вино. Највредните етикети дури се опишани и во книгата насловена како 100 Vintage Treasures: From the World’s Finest Wine Cellar. Во оваа збирка се наоѓаат некои од најскапите вина на светот, меѓу кои и Romanee-Conti од легендарната берба 1945.
Сите тие етикети ќе бидат изложени во простор за чија адаптација се потрошени половина милион евра. Колекцијата чија вредност се проценува на повеќе од 60 милиони евра ќе може да се види, а цената на влезницата ќе изнесува неверојатни 500 евра. Во овој мал музеј на виното ќе има и други содржини, како што се кафе и сала за дегустација, а отворањето се очекува да биде во претстојната пролет или лето.
Мишел Жак Шасеј смета дека неговиот музеј ќе биде успешен и дека градот во кој се наоѓа, La Šapel-Baton, благодарение на ова атракција ќе стане важна туристичка дестинација во Франција.
– „Во прашање е наследство кое мора да биде зачувано. А кога овие вина повеќе нема да бидат за пиење, тие ќе станат уметнички дела“ – вели Пасеј. Тој за сега, не ги коментира наводите дека за отворањето на музејот во своето гратче се определил затоа што не успеал со својот проект да привлече доволно интерес во големите вински центри на Франција, а се поставува и прашањето, кој во овие кризни времиња ќе плати вистинско мало богатство за да гледа шишиња со вино?
Извор: vinoifino.rs
