Согласно Уредбата за директни плаќања за 2021 година на корисници, објавена во Сл. Весник на РСМ бр.12/2021, детално ви ги претставуваме поблиските критериуми за директни плаќања во сточарското производство, поточно критериумите за директни плаќања за одгледувачите на автохтони раси на говеда (Буша и Бивол), автохтони раси на овци(Праменка -Овчеполка, Шарпланинска и Каракачанска) и автохтони раси на кози (Балканска коза). Кој може да биде корисник на средствaта, максималните износи и начинот на директните плаќања за оваа година.
- Директни плаќања за грла говеда од автохтона раса Буша
-Корисници на оваа подмерка се земјоделските стопанства сопственици на минимум пет грла говеда од расата Буша, кои ги имаат обележано и евидентирано во Регистарот на одгледувалишта на говеда и да се инвентаризирани и карактеризирани од страна на овластена институција за спроведување на мерки и активности од Програмата за заштита на биолошката разновидност во сточарството од 2018 до 2024 година и истите ќе ги чуваат најмалку до 31.12.2021 година,
-Висината на директните плаќања изнесува 2.000 денари по грло
- Директни плаќања за грла овци од автохтона раса Праменка (Овчеполка и Шарпланинска)
-Корисници на оваа подмерка се земјоделските стопанства сопственици на минимум 50 грла овци од расата Праменка (Овчеполка и Шарпланинска), кои ги имаат обележано и евидентирано во Регистарот на одгледувалишта на овци и да се инвентаризирани и карактеризирани од страна на овластена институција за спроведување на мерки и активности од Програмата за заштита на биолошката разновидност во сточарството од 2018 до 2024 година и истите ќе ги чуваат најмалку до 31.12.2021 година.
-Висината на директните плаќања изнесува 550 денари по грло
- Директни плаќања за грла кози од автохтона раса Балканска коза
-Корисници на оваа подмерка се земјоделските стопанства сопственици на минимум 50 грла кози од расата Балканска коза кои ги имаат обележано и евидентирано во Регистарот на одгледувалишта на кози и да се инвентаризирани и карактеризирани од страна на овластена институција за спроведување на мерки и активности од Програмата за заштита на биолошката разновидност во сточарството од 2018 до 2024 година и истите ќе ги чуваат најмалку до 31.12.2021 година.
-Висината на директните плаќања изнесува 550 денари по грло.
- Директни плаќања за грла говеда од раса Бивол:
-Корисници на оваа подмерка се земјоделските стопанства кои одгледуваат говеда од раса Бивол, ги имаат обележано и евидентирано во Регистарот на одгледувалишта на говеда и истите ќе ги чуваат најмалку до 31.12.2021 година.
-Висината на директните плаќања изнесува 9.000 денари по грло,
- Директни плаќања за грла овци од автохтона раса Праменка (Каракачанска):
-Корисници на оваа подмерка се земјоделските стопанства сопственици на минимум 10 грла овци од расата Праменка (Каракачанска), ги имаат обележано и евидентирано во Регистарот на одгледувалишта на овци и да се инвентаризирани и карактеризирани од страна на овластена институција за спроведување на мерки и активности од Програмата за заштита на биолошката разновидност во сточарството од 2018 до 2024 година и истите ќе ги чуваат најмалку до 31.12.2021 година,
-Висината на директните плаќања изнесува 5.000 денари по грло.
Пријавувањето за субвенции за 2021 година се очекува да започне во почеток на месец април.
