На еден од најпрестижните вински натпревари во Франција наречен Concours des Vins à Orange, вината Terrasse au Soleil 2018 бело и Vase de Pierre 2018 црвено добија златни медали , додека среброто му припадна на црвеното Jolie Balade 2018. Сите три вина се дел премиум серијата на Тиквеш Châteaux & Domaines. Овие исклучителни резултати се постигнати во конкуренција на 2.282 вина кои беа оценувани од 570 дегустатори.
Натпреварот Concours des Vins à Orange всушност е најпознатиот регионален вински натпревар кој се одржува во долината на реката Рона на југот на Франција, а за прв пат бил одржан во 1952 година.
Наградените вина му припаѓаат на винаријата Château de Gourdon која претставува дел од Тиквеш од 2018 година, а се пласираат насекаде во светот.Вината се направени од грозје кое се одгледува под строга контролa и во исклучителни услови со идеална рамнотежа за производство на врвни вина.
Извор: Вино и фино
Напишете коментар