Препораки на Националната федерација на фармери дадени на Комисијата за земјоделство, шумарство и водостопанство во Собрание на РСМ искажани од Васка Мојосовска – Претседателка на НФФ.
1. Бараме целосна измена и редефинирање на Член 16-б со кој се регулира откупот на грозје. Наши предлози се откупот на грозје да се изврши до крајот на декември за тековната берба во тековната година . Што се однесува до авансната исплата да биде регулирано исто како што е во член 32 став 5 од Законот за земјоделство и рурален развој каде што пишува: договорот може да предвидува авансна исплата со исплата на остаток од вредноста на производот најдоцна до 90 дена од денот на откупот или исплата на средства во висина до 20% од вредноста на производот во рок од 20 дена од денот на откупот и рокот на исплата на остаток од вредноста не подолг од 180 дена од денот на откупот. Ние прелагаме да се регулира целиот окуп на земјоделските производи вклучително и за грозјето во Законот за земјоделство и рурален развој, каде што е започната процедура за целосна негова измена.
2. Со цел навремена исплата на грозјето и почитување на договорното производство бараме исто како и кај Законот за тутун и во Законот за вино да се воведе банкарска гаранција .
3. Бараме целосно бришење на член 17 став 5 каде што се вели дека : Утврдената цена согласно со ставот (3) на овој член може да се намали најмногу до 8% во случај кога исплатата на износот за откупеното винско грозје се врши во целост во рок од седум дена од денот на приемот согласно со членот 16-б од овој закон.
4. Националната федерација на фармери со години наназад бара да се создадат вистински партнерски односи помеѓу лозарите и винариите и согласно пресметките за производна цена, откупната цена на грозјето треба да изнесува минимални 16 МКД за КГ Смедеревка и 17 МКД за КГ Вранец.
5. Измена на член 17, став 1 каде што бараме шеќерните единици во грозјето да се одредуваат од страна на релевантни државни институции како што се Факултетот за земјоделски науки и храна, Институтот за земјоделство, бидејќи цената за винско грозје се одредува врз основа на шеќерни единици.
6. Подобрување и одржување на земјоделската инфраструктура во делот на патишта, наводнување, одводнување и справување со климатски промени, кои посебно влијаат на квалитетот на сите земјоделски производи.
Напишете коментар