Марјан и Фросина Ангелови од село Милино, Светиниколско се дел од проектот Договорно производство на органска пиперка кој годинава за прв пат стартуваше во организација на Агротим.
Нивното искуство, од потпишување на договор, до предавање на пиперката е најдобриот доказ за успешноста на проектот и мотивација за сите други земјоделци.
Марјан вели, прв пат оваа година произведува пиперки, на површина за која никој не верувал дека ќе успее, без услови за наводнување и познавање за органско производство.
Но решен да успее, најнапред инвестирал во бунар, бидејќи без вода не може да се очекува производство, а во тоа му помогнала компанијата “Тргопродукт“ со која склучи договор за откуп на пиперката, преку авансирање на производството, во обезбедување на систем за наводнување и ѓубриво. Што се однесува до агротехничките мерки, од набавка на семе до прихрана и заштита, во соработка со советничката за органско производство Ангела Ѓеровска успеале да произведат 3-4 тони од декар.
За неговото искуство, проблемите, очекувањата, вложувањето и заработката погледнете во видеото.
Проектот Договорно производство на органска пиперка ајварка на иницијатива на Агротим, а во соработка со преработувачки капацитети, советници за органско производство и земјоделски производители од неколку региони.
Активноста се спроведува со поддршка од Швајцарската агенција за развој и соработка преку Програмата за зголемување на пазарната вработливост – И.М.Е Програма.
