Намесо да купувате садови за расад, семете можете да го посеете и во кутии за јајца. Ако градинарството ви е хоби, ова е одличен начин да заштедите пари, но и да ја заштитите околината.
Како да се сее?
Сè што ви е потребно се ножици, малку супстрат, сушен талог од кафе, при што треба да се внимава талогот да не содржи вештачки засладувачи и млеко, потоа семе, водоотпорна подлога и секако картонска кутија за јајца, пишува денгарден.
Талогот од кафе е богат извор на кислород, калиум, магнезиум и фосфор, а многу градинари го сметаат за корисен, природен и делотворен начин на поттикнување на растот на растенијата без употреба на хемикалии и пестициди. Освен тоа, во оваа комбинација помага и за одржување на високо ниво на влажност.
Прво помешајте ги талогот кафе и земјата во еднаков размер. Потоа исечете ги кутиите да добијат форма на мали садови.
Импровизираната чашка направена од кутијата треба да се наполни до пола со смесата од земја и талогот од кафето, а потоа да се стави семето. Притоа треба да се земе предвид длабочината на сеење назначена на пакувањето на семето.
Во една чашка посадете по две семки од поголемите зеленчуци како тиква, домат, пиперка, зелка, краставица и слично.
Откако ќе го посеете семето, покријте го со тенок слој мешавина на талог од кафе и земја, без да притискате. Исечените садови од кутијата ставете ги на непропустлива подлога како на пример подлабока тацна, пластични или слични садови.
Водата додадете ја директно во садот, а картонските чашки ќе ја впиваат колку што е потребно и ќе го одржат семето влажно. Треба да се напомене дека е важно внимателно да се одржува нивото на вода на дното за картонот да не се распадне.
Садовите треба да се чуваат на сончево и топло место.
Во вториот дел од видеото можете да видите како изгледа целиот процес.
