Управата за хидрометеоролошки работи редовно ги информира земјоделците за временските услови и влијанието врз земјоделските култури преку Агро метео користејќи ги податоците од агрометеоролошки станици.
Состојба на земјоделските култури во Република Северна Македонија и агрометеоролошка прогноза за периодот после 25.10.2019 год.
Сушата од предходниот период продолжи и во изминатата седмица со надпросечни температури на воздухот за Октомври месец, температури кои дополнително ја дехидрираат почвата. Сеидбата на есенските култури е редуцирана или стпирана иако оптималните рокови се во тек.
Но, ваквите временски услови овозможуваат жетва на пченката и оризот, сушење на арпата и сушење на тутунот од горните инсерции.
Очекуваната промена на времето кон крајот на седмицата сепак е надеж дека состојбите можат да се сменат кон подобро, но дефицитот на врнежи од околу 100 литри и понатаму се зголемува и е на некој начин сеуште долната граница која е потребна за активно отпочнување на припремите и изведувањето на есенската сеидба.
Временската прогноза следете ја на АГРО МЕТЕО
