МЗШВ изминатите две и пол години интенивно работи на воведување мерки за развој на лозарството во земјава, а деновиве од таму информираа дека со измените на Законот за акцизи кои ќе стапат на сила од 1- ви јануари идната година ќе се овозможат бројни поволнисти за производителите на ракија.
Дозволената максимална количина на годишно производство ќе биде 2.500 литри жесток алкохолен пијалак со просечна јачина од 45 %. Во првата година од примена на овој закон ,производителите на ракија се ослободени од плаќање на акциза, втората година акцизата ќе изнесува 10 денари, во 2022 година таа ќе чини 20 денари и во 2023 година 30 денари. Исто така новото законско решение овозможува на малите производители легално да произведуваат и да продаваат ракија,да развијат свој сопствен бренд, кој пак ќе придонесе за афирмација на руралниот и винскиот туризам.
Исто така во финална фаза е носењето на измените и Законот за вино, каде на малите семејни винарници им се олеснуваат условите за производство, со воведување на нови вински производи со што ќе се придонесе и за поголеми приходи на винарииите и за лозарите, зголемен извоз на вино и девизен прилив.
Преку мерките од Програмата за директни плаќања 2019, се овозможува повисоки субвенции за 20 отсто за одржување на лозови насади за лозарите со развоен потенцијал. Со новата мерка за субвенционирано гориво за земјоделската механизација, лозарите ќе имаат порентабилно производство, бидејќи државата покрива 30 отсто од трошоците за гориво. Лозарите ги имаат на располагање и мерките од ИПАРД 2 програмата кои овозможуваат кофинансирање на трошоците за изградба или реконструкција на винарници, како и за набавка на опрема, што е доста важно за модернизација на производството.
Ваквата вест пријатно ги изненади лозарите кои велат дека сакаат да се воведе ред во оваа област но исто така посочуваат и на фактот дека ракијата како наш домашен бренд заслужува внимание. Ние важиме за една од земјите која има големи површини засадени со лозје и илјадници години искуство во варењето на ракија а сеуште не сме ја обележале ракијата како наш национален бренд .
