Министерот Цветан Трипуновски присуствуваше на поставување на темели на свињарска фарма.
-На покана на Никола, млад земјоделец, присуствував на поставување камен темелник на нова свињарска фарма. Ме радува тоа што младите луѓе се одлучуваат да се занимаваат со сточарство. Младите се движечката сила во овој сектор, тие придонесуваат за развојот и модернизацијата.
Приоритет на Министерството е креирање на мерки за поддршка на младите земјоделци, со цел поттикнување на домашното производство, одржливост и конкурентност, објави Трипуновски.
