Откажувањето од цигари не е лесна задача, но една нова студија тврди дека чоколадото би можело да помогне.
Студија спроведена на Универзитетот во Питсбург покажа дека пушачите, дури и ако немале намера да се откажат од пушењето, ја намалиле потребата од цигари за 23 проценти откако го вдишале својот омилен мирис како што се чоколадо, ванила или нане. За споредба, испитаниците кои почувствувале мирис на тутун или неутрален мирис ја намалиле потребата од цигари само за 14 проценти.
„Милиони луѓе кои сакаат да се откажат од пушењето, а не можат, итно им е потребна помош. Дури и со замена на никотин, враќањето на пушењето е многу честа појава. Користењето пријатни мириси за прекинување на рутината на пушење помага да се намали потребата од цигара и ви помага да издржите“, вели водачот на истражувањето, д-р Мајкл Сејте.
Истражувањето, исто така, покажало дека половина од луѓето кои одлучуваат да се откажат од пушењето ќе се откажат по само две недели, а само четири проценти од луѓето издржуваат повеќе од една година.
Оваа студија е спроведена на 232 пушачи кои мирисале и морале да го оценат нивото на пријатни, непријатни и неутрални мириси, а резултатите покажале дека пријатните мириси помагаат да се намали потребата од цигара, иако научниците сè уште не ја откриле точната причина за тоа.
Д-р Сеџет истакна дека се потребни дополнителни истражувања за да се докаже дали овој метод е навистина функционален и дали треба да се комбинира со некои други методи за откажување од пушење
