Освен што се забавни за грицкање, имајте на ум дека тие се и многу здрави. Тие содржат витамини Д, Е, К, речиси целата Б група и други. Има и калиум, магнезиум, калциум, фосфор, цинк, железо и други елементи. Тие се богати со протеини, па дури и имаат антидепресивен ефект.
Особено се корисни за мажите, бидејќи содржат голема количина на цинк, кој помага да се спречи формирање на аденом на простатата (зголемување на простатата), што е најчеста причина за проблеми со мокрењето кај постарите мажи.
Еве како можете да ги испечете.
Извадете ги семките од внатрешноста на тиквата, измијте ги во вода и исушете ги на крпа.
Ако ги печете во рерна, посолете ги семките и измешајте ги со рака. Загрејте ја рерната на 160°C. Ставете ги семките на хартија за печење, распоредете ги во тенок и рамномерен слој и печете ги додека не поруменат. За време на печењето неколку пати промешајте ги за да бидат добро испечени од двете страни. Внимавајте да не ги изгорите бидејќи ќе бидат горчливи.
Можете да ги пржите и во тава, што е поедноставно, побрзо и – поевтино. Во тој случај, чувајте ги семките во солена вода 2-3 часа за да ја впијат солта, а пред пржењето исушете ги. Загрејте ја тавата и додадете ги семките, исто така во тенок, рамномерен слој. Намалете ја температурата и мешајте цело време. Кога ќе слушнете звук на потпукнување, проверете дали се доволно печени.
И микробранова печка е една од опциите. Ставете ги семките на плитка чинија, ставете ги во микробранова печка со максимална моќност и пржете ги една минута. После тоа, извадете ги, измешајте ги и вратете ги уште една минута.
Можете да ги посолите на двата претходни начина.
