Во текот на пандемијата се променија многу прехрамбни навики на луѓето ширум светот. Купувачите настојуваа да направат залихи на храна која ќе им трае подолго време, а епидемиолозите советуваа да се пазари еднаш неделно. Поради тоа се золеми продажбата на конзервирана и замрзната храна, а се зголеми дури и продажбата на фрижидери за длабоко замрзнување.
Свежите намирници се најздрави
Фатима Хачем, нутриционист во ОН, поточно во Организацијата за храна и земјоделство (ФАО), изјави дека прехрамбените производи се најхранливи во моментот на бербата , а свежите намирници почнуваат да пропаѓаат веднаш штом се соберат бидејќи земјта и стеблото за нив се главен извор на хранливи материи и енергија.
Штом ќе се скине од гранката на која расте, овошјето и зеленчукот почнуваат да ги трошат сопствените нутриенти и истите ги разлагаат за да ги одржат во живот своите клетки, но некои од хранливите материи се посебно осетливи. На пример витаминот Ц кој му помага на човечкиот организам во апсорпција на железото, придонесува за намалување на холестеролот, штити од слободни радикали, посебно е осетлив на воздух и светлина.
Спанаќот порзо го губи витаминот Ц отколку морковот?
Ладењето на призводите го успорува процесот на пропаѓање на хранливите состојки. Дајан Барет, некогашен истражувач за наука и технологија на храна во Универзитетот Дејвис во Калифорнија, во 2007 година направила голем број на студии водејќи сметка при тоа за нутриентите кои се содржат во свежото, замрзнатото и конзервираното овошје и зеленчук.
Таа открила дека, спанаќот губи 100% од витаминот Ц во рок од 7 дена ако се чува на собна температура од 20 степени Целзиусови, ако се чува во фрижидер губи 75%. Ако е замрзнат спанаќот губи 30 % од овој витамин. За разлика од спанаќот, морковот чуван една недела во фрижидер губи само 27% од витаминот Ц.
Според ова истражување и останатиот зеленчук изгубил помалку витамин Ц кога бил замрзнат. Всушност со замрзнувањето се запира процесот на оксидација што е една од причините поради кои земјоделските производи потемнуваат по берењето.
При замрзнувањето на производите најважна е брзината
Масовното замрзнување на овошјето и зеленчуот е релативно нова гранка во прехрамбената индустрија. На пример денес, грашакот се бере се пренесува во фабриката, се мие се бланшира и се замрзнува за нешто повеќе од два часа. Во седумдесеттите години од минатиот век тој процес траел и понеколку денови.
Во индустријата за замрзнати производи најважна е брзината. Технолошките иновации успеале да го скратат процесот на замрзнување на храната.
Пред замрзнувањето производот се бланшира, односно неколку минути се загрева на висока температура. Тоа се прави за да се деактивираат несаканите ензими кои ја расипуваат текстурата и бојата на производите додека се чуваат во фрижидер.
Конзервираната храна е помалку здрава, но сепак е безбедна поради процесот на стрилизација
Фатима Хачем потенцира дека нема причина за загриженост кога треба да се одлучиме помеѓу замрзната и конзервирана храна. Сепак подобро е да се одбре замрзната храна поради солта и шеќерот што се додава при конзервирањето. Но конзервирањето може да ја зголеми безбедноста на храната особено на онаа храна склона кон развивање на патогени.
Без разлика дали намирниците се замрзнати, конзервирани или свежи научниците се едногласни во тоа дека е најважно овошјето и зеленчукот да се консумираат секојдневно.
Извор:Агроклуб
