Кога станува збор за извозот на пченица, Европската комисија предвидува количина од 36 милиони тони, а се очекува да бидат извезени околу 9,9 милиони тони јачмен, додека увозот на пченка ќе се зголеми на 20 милиони тони.
Од 1 јули до 21 август европските земји извезле околу 3,88 милиони тони пченица, што е за 287.000 тони помалку од лани. Франција е најголемиот индивидуален извозник на оваа житарка со повеќе од 1,61 милиони тони, а потоа следи романскиот регион на Црното Море со извоз од 859.000 тони.
Полска веќе извезла 542.000 тони пченица во трети земји, а Бугарија 478.000 тони. Во германските извозни пристаништа биле натоварени само 109.000 тони, а главни купувачи се Алжир и Мароко.
Европа до 21 август извезла само 1,39 милиони тони добиточен јачмен. Германија предничи со 462.000 тони, а потоа следат Франција и Романија со 437.000 тони. Досега главни купувачи биле Саудиска Арабија, Кина, Иран и Јордан.
Увозот на пченка изнесува 3,2 милиони тони, а најголеми купувачи се Шпанија, Португалија и Италија. Главните добавувачи се Бразил и Украина, пренесува Агроклуб.
