Бразилските полиња со пченка беа погодени од ефектот Ла Ниња, особено во јужните области. Минатата сезона родот беше преполовен за 50 отсто, а земјоделците стравуваат дека истото ќе се случи и во 2022 година.
Големата суша го отежна производството и се очекува да трае до октомври годинава. Земјоделците најсилните последици ќе ги чувствуваат до мај. Се очекуваат и студени фронтови, што го зголемува ризикот од ран мраз на југот.
Сушата ќе продолжи и во наредните месеци во Рио Гранде до Сул, најјужната бразилска сојузна држава, додека краткотрајно освежување се очекува во Парана и Санта Катарина.
Овие три региони ќе имаат ниски просечни врнежи во текот на летната сезона во Бразил. Северните региони, како Мато Гросо и Гојаш, ќе имаат натпросечни врнежи од дожд и овој вишок претставува ризик за летната жетва, пренесува Агроклуб.
Најпогодена Парана
Најпогоденото подрачје минатата година, а ќе биде и оваа сезона, е Парана. Веќе 20 отсто од посевите се означени како просечни, а три отсто како сиромашни. Вкупната површина под пченка во овој регион е 1,03 милиони хектари.
Во Рио Гранде до Сул, пченката посеана во септември 2021 година веќе страдаше од недостиг на вода во ноември и земјоделците пријавуваа загуби. Слабите дождови не беа доволни за да се надомести недостатокот на влага во земјава.
Лошата жетва на пченка во Бразил ќе влијае на глобалните цени на оваа житарка, бидејќи оваа земја е еден од најголемите производители и извозници. Се очекуваат поскапувања, а колкав ќе биде скокот на цените, останува да видиме.
