Постојаната работна група за Регионален рурален развој во Југоисточна Европа SWG (seerural.org), во име на Министерствата за земјоделство, шумарство и водостопанство на земјите од Западен Балкан, и под покровителство на Сојузното Министерство за храна и земјоделство на Германија (BMEL) и Организацијата за храна и земјоделство на Обединетите нации (FАО) спроведуваат „Студија за состојбата и потребите на младите во руралните области на Западен Балкан“.
Основа за оваа студија се податоците кои се собираат преку анкета на млади луѓе на возраст од 15 до 40 години. Анкетата е анонимна, трае околу дваесетина минути и се спроведува преку онлајн апликација која можете да ја најдете на линкот:
Целта на студијата е подобро разбирање на предизвиците и потребите на младите во руралните средини и вклучува различни аспекти од нивниот живот, како вработување, образование, инфраструктура, социјален живот… Посебен фокус е ставен на родовата еднаквост и потенцијалот на младите жени.
„Очекуваме дека студијата ќе понуди можни решенија за дефинирање препораки за јавни политики кои би ги поттикнале младите да останат или да се вратат во руралните средини“, се вели во соопштението за медиумите на SWG.
