Директорот на АФПЗРР Илија Стоилев во емисијата Студио 10 на 24ТВ зборуваше за актуелниот повик за Мерка 7 од ИПАРД 3, за можностите и условите за аплицирање. Исто така го коментираше и реализирањето на ИПАРД 2.
-До крајот на ова година има обврска да ја затвориме кампањата за Ипард 2 програмата, ги контактираме за договорите, останаа уште 11 според наши видувања и анализи до средината на декември би требало и тие да бидат исплатени последните субјекти. Во моментов искористеноста е 81 % , со сите овие договори кои ќе треба да ги склучиме ќе дојдеме до 82 проценти искористеност – што е одличен процент, вели Стоилев.
– За динамиката која не следи сега во Ипард 3 презадоволен сум како функционира, работиме на поголема транспарентност, поголема ефикасност, ги детектиравме потешкотиите кои ги следеле нашите тимови кои работеле по Мерка 3, Мерка 1 и Мерка 7 за да го забрзаме овој дел бидејќи премногу време трае целата процедура од најава, објава до исплата. Тука мораме да кажеме дека одредена методологија ни создава одредени потешкотии при набавка на референтни цени, мора таква е процедурата, такви се правилата и може да ни одземе два три месеци непотребно апликантите да чекаат. Знаеме дека на бизнис сектор најскапо му е времето додека нарача една машина ќе помине една година и ја добие ке излезе некоја нова генерација. Ние сме свесни за таа аномалија и затоа сакаме да воведеме нов софтвер кој ќе ни ја олесни и убрза таа работа да можеме меѓусекторски да бидеме поврзани и да бидеме компатибилни за таа цела процедура да трае многу пократко – изјави Стоилев.
Што се однесува до други основни информации, Стоилев потсети дека учеството на ЕУ во ИПАРД буџетот е 75 проценти, а нашата контрибуција од македонскиот буџет е 25 проценти така да целокупниот трансфер на средства оди преку Министерството за финансии, нашата соработка е извонредна и се надевам дека и понатаму ќе продолжи и ќе биде во интерес на нашите субјекти.
– Ние сме веќе на прагот да акредитираме нова мерка која се однесува на развој на општините во делот на руралниот развој каде што ќе имаме една сериозна конкуренција од општините кој може да ги добие. Станува збор за развој на општините за инфраструктурни објекти, улици, патишта, мостови било што, а таа мерка ќе има буџет од 16 милиони евра. Ние како Агенција го имаме проблемот со работна сила бидејќи ЕК , платежната агенција ја мери, вреднува според капацитетите и сите акредитирани мерки не доаѓаат сами по себе туку ние како Агенција мораме реално да ги убедиме дека поседуваме соодветни капацитети да можеме да ја спроведеме таа мерка, значи во делот на човечки ресурси, просторни услови и материјални ресурси.
Општините мора да имаат издржани проекти и соодветен кадар и ресурси тоа да го спроведат. Мислам дека дел од општините сеуште немаат соодветен стручен кадар да менаџираат со овие инфраструктурни проекти ако дојдат тие средства кои што се од ЕУ дополнително ќе им требаат нови ресурси. Само за пример Хрватска како членка на ЕУ користи фондови кои се наменети за членки на ЕУ за земјодлеството, руралниот развој и рибарство. Во период од 7 години Хрватска користи неверојани 3.400.000 евра, Македонија користи 97 милиони евра, ќе тропаме на врата за влез во ЕУ и мора да биде подготвена , може нема да бидат толку, може ќе бидат 1.200.000 евра но тие треба да се алоцираат соодветно од стручен кадар кој работи во Ипард агенцијата. Но тоа не се создава преку ноќ, за тоа треба време и овие милиони кои што сега ги алоцираме треба да допринесат да се остручат што повеќе лица за да можат утре да бидат подготвени и да дадат придонес за соодветната македонска економија – заклучи Стоилев.
