Во период од две децении, забележен е пад во бројот на добиток во Европската Унија. Помеѓу 2001 и 2020 година, вкупниот број на свињи, говеда, овци и кози во ЕУ паднал во просек за 8,9%. Најголем пад во однос на процентите на добитокот е забележан кај бројот на овци, додека кај свињите намалувањето е релативно мало. Гледајќи подлабоко во детали во развојот помеѓу 2019 и 2020 година, популацијата на свињи во ЕУ се зголемила за 2,2%, додека е забележано намалување од 0,9% на бројот на говеда.
ЕУ има значителен број добиток: во 2020 година на фармите на Европската Унија имало 146 милиони свињи, 76 милиони говеда и околу 75 милиони овци и кози.
Исто така, најголемиот дел од говедата на ЕУ се наоѓаат само во неколку земји членки.
Помеѓу една петина и една четвртина од говедата се наоѓаат во Франција, а околу 22,4% од свињите и овците (24,8%) се наоѓаат во Шпанија.
Некои земји од ЕУ се релативно специјализирани за одгледување одреден добиток. На пример, Ирска и Шпанија се издвојуваат кога станува збор за сточарството, додека Данска и Франција се издвојуваат во одгледувањето свињи.
Распространетост на територијата на ЕУ
Индексот на распространетост засточарството покажува дека Холандија (3,8), Малта (2,9) и Белгија (2,8) имале најголем број добиточни единици по хектар земјоделско земјиште.
Од друга страна, одгледувањето стока во балтичките земји и во Бугарија е пониско, со помалку од 0,30 сточни единици по хектар.
Производство и извоз на месо во ЕУ
Во 2020 година, ЕУ произвела 23 милиони тони свинско месо. Тоа било повеќе од проценетото ниво на месо од живина, 13,6 милиони тони, што е двојно повеќе од произведеното говедско месо, 6,8 милиони тони.
Во периодот помеѓу 2004-2020 година, забележано е нагло зголемување на производството на месо од живина, при што производството во ЕУ се зголемило за дури 45,6%. Нивото на производство на свинско месо се зголемило за 9,2%, иако најголемиот дел од тој раст се случил во текот на 2013 година.
Во 2020 година, нешто повеќе од една петтина (5,1 милиони тони) свинско месо со потекло од ЕУ дојде од Германија. Додека Шпанија имаше сличен удел, околу 21,7%.
Највисоко производство на месо од живина имаше во Полска (19,8% од вкупното производство на ЕУ). Додека Шпанија (12,6%), Франција (12,3%), Германија (11,9%) и Италија (10,2%) исто така заземаа добри позиции.
Повеќе од една петтина од целото европско говедско месо доаѓа од Франција (1,4 милиони тони). По оваа земја следат Германија (16%), Италија (10,7%), Шпанија (9,9%) и Ирска (9,3%).
Производство на млеко и житарки
Во 2020 година, производството на свежо млеко на фармите во ЕУ изнесувало 160,1 милиони тони што претставува зголемување од 2,0 милиони тони во однос на претходната година.
Најголем дел од произведеното свежо млеко оди во млекарниците, а само околу 10,6 милиони тони се користи на самите фарми. Значи, од самите производители или директно се продава на купувачите, или веднаш дополнително се обработува.
Кога станува збор за житарките, најголемиот дел произведени во ЕУ се користат за исхрана на животните, а околу 30% се користат како храна за луѓето. Мал дел се користи и за растителни масла.
Извор: agromedia.rs
