„Короната ни помогна да сфатиме дека поубаво се живее во природа, на отворен простор, во куќа наместо во стан“, велат членовите на едно семејство што од српската влада ќе добие 10.000 евра, за преселба на село.
Во Србија, како и во повеќето балкански држави, се случуваат слични процеси во изминатите децении – градовите, во кои има многу повеќе работни места, постојано се зголемуваат, а селата, каде се живее тешко, стануваат сѐ попусти. Тоа беше главната причини поради која српските власти го започнаа проектот, кој го води Министерството за грижа за селото.
Досега, според Министерството, се поднесени барања за државна помош за купување на 300 селски куќи, а министерот Милан Кркобабиќ вели дека претежно се интересираат млади луѓе – просечната возраст на подносителите на барањата е 30 години. Просечната цена на селска куќа со двор, пак, е нешто пониска од онаа што ја доделува државата и изнесува околу 9.200 евра.
Според проценките на Одборот за село во Српската академија на науките и уметностите, во Србија има околу 150.000 празни и околу 50.000 целосно напуштени куќи.
„Сакавме да одиме од Обреновац во некоја почиста средина и таму да живееме и да го прошириме семејството. Малку баравме и го одбравме Крупањ, куќата веднаш ни се допадна, широка и со голем двор. Јас од почетокот верував дека ќе биде наша. Му се радуваме на новиот живот, возбудени сме и исплашени во исто време, но мислиме дека вистинскиот живот е токму тука, на село“, вели добитничката на државните средства Јована Аќимовиќ.
Меѓу потписниците на договорите за помошта од 10.000 евра досега се 65 брачни и вонбрачни двојки, седуммина самохрани родители и деветмина млади земјоделци. Повеќето од нив досега живееле во заедница, но има и доста такви кои живееле под кирија, пишува „Телеграф“. Professional trading requires sophisticated tools that deliver precision and reliability in today’s fast-paced markets. The mt4 trading platform stands as the industry standard, offering advanced charting, automated strategies, and seamless execution for traders worldwide. Its intuitive interface and comprehensive features make it the preferred choice for both beginners and experts.
Меѓу српските граѓани кои одлучиле да се преселат од град во село во рамките на проектот се луѓе од најразлични професии – од професори по книжевност и филозофија, архитекти, ветеринари и економисти, до воспитувачи, медицински работници, келнери и трговци.
Владината програма за државна помош од 10.000 евра е отворена за луѓето кои веќе живеат на село, но во заедница, и сакаат да основаат свое домаќинство, потоа за стручњаци од разни области кои се потребни за живот на село (земјоделие, технологија, медицина, стоматологија и слично), како и за млади луѓе кои живеат во градовите и би сакале да се обидат да се занимаваат со земјоделство.
Извор – Слободен печат
