Откупот на грозје, според информации на директорот на Државниот инспекторат за земјоделство, Зоран Шапуриќ е при крај.
-Заклучно со 28.09.2021 година, вкупно, сопствена берба, извоз, откуп на винско грозје e околу 79 милиони килограми. Ако се земе во предвид дека годинешната очекувана реколта е 90 милиони килограми, значи дека со откупот на грозјето сме при крај – изјави за Агротим, Шапуриќ.
Шапуриќ потенцираше дека инспекторите се на терен од самиот старт на откупот, а така ќе биде се до официјалниот крај на откупот.
