Сега веќе постои реална опасност новата жетва да ја дочекаме со прилично големи залихи пченица – нагласува Вукосав Саковиќ од Здружението „Жита на Србија“ и напоменува дека во таква ситуација, кога побарувачката е слаба, цената логично добива надолен тренд.
Наспроти сите предвидувања дека растот на цените на житните култури ќе запре на почетокот на 2021 година, тие растат заради пандемијата и нестабилната состојба на пазарот диктирана од инвестициските фондови.
Според последниот извештај на берзата за производи во Нови Сад, пченката повторно поскапе за околу 2,5 проценти во споредба со претходната недела. Како што се наведува, цената на житото остана непроменета. Новосадската берза посочи на уште еден необичен настан на домашниот пазар, а тоа е дека цените на пченицата и пченката беа на скоро исто ниво.
Вукосав Саковиќ од Здружението „Жита на Србија“ вели дека цените на пченката и пченицата се приближуваат и дека сега може да се види дека имаат една допирна точка на 22,50 динари. Таа цена сигурно наскоро ќе се изедначи, но врз основа на законитоста на пазарот, пченката ќе биде поскапа од житото, што нема да биде прв пат во историјата, бидејќи веќе имавме ваква состојба претходните години – објаснува Саковиќ.
„Побарувачката за пченица беше периодично добра, ама нашите продавачи не реагираа на тоа. Чекаа повисока цена, иако едно време таа беше дури и подобра на домашниот отколку на меѓународниот пазар. Затоа сега имаме интересна ситуација на пазарот. Сега веќе постои реална опасност новата жетва да ја дочекаме со доста големи залихи пченица“, нагласува Саковиќ и напоменува дека во таква ситуација, кога побарувачката се намалува, цената логично добива тренд на опаѓање.
Од октомври 2020 година до крајот на февруари, Србија извезе 1.862.000 тони пченка. Од здружението „Жита на Србија“ наведуваат дека очекувањата се дури и надминати и веруваат дека конечниот пласман на пченка на странските пазари ќе достигне 3,2 милиони тони.
Наспроти добрите резултати при извозот на пченка, со пченицата е сосема поинаку и тој вели дека сега влегуваме во временски јаз. Економската година започнува со жетвата на 1 јули и трае до 30 јуни. Во изминатите осум месеци извезовме само 530.000 тони пченица и брашно, а планот за извоз беше 1.250.000 тони.
Според Саковиќ, Србија изгубила неколку месеци кога извозот на пченица бил многу лош, скоро симболичен. Како што објаснува, на светскиот пазар не е како на локалните пазари, каде што го продавате стариот род додека не пристигне новата пченица. Таа продажба завршува два месеци пред новата жетва. После тоа, големите мултинационални компании започнуваат со откуп на нова пченица.
Извор:agronews.rs
