Министерството за земјоделство на Србија соопшти дека Европската комисија, по спроведените обемни и сложени процедури, одобрила извоз на садници од лешник од Србија без дополнителни барања.
Со издаденото одобрение, Србија стана трета земја во светот која сега може да извезува садници од лешник на територијата на Европската Унија, по одлуката на ЕУ да го прекине увозот на високоризични растенија од сите земји во 2019 година, се вели во соопштението.
Се додава дека првите земји кои добија ослободување се Јапонија, Австралија, Србија, а потоа Нов Зеланд, САД и Турција.
Посочено е дека со таа одлука на ЕК, Србија е меѓу првите земји кои биле во состојба да изготват исклучително обемни материјали, што вклучувало и собирање на сите научни и технички податоци досега објавени за прашањето на штетните организми поврзани со овој растителен вид, вклучително и организација на контролата и извештаи за регистрација на пестициди.
Ова е втора дозвола што Србија ја доби поединечно, по добивањето дозвола за саден материјал на јаболка во 2020 година.
Во следниот период се очекува да се донесе одлука за извоз на садници од други јаткасти плодови.
Од Министерството за земјоделство на Србија истакнаа дека одобрувањето на извозот е од големо значење за српските расадници од областа Расина, територијата на градот Шабац и областа Западнобачки, кои исто така имале голем удел во изработката на тешката и обемна документација.
Извор: danas.rs
