(ВИДЕО) Советници од АПРЗ: Веќе подготвивме неколку апликации за „Рурална жена“, тука сме да им помогнеме на земјоделците

Советниците од Агенцијата за поттикнување на развојот на земјоделството, Ѓоко Данаилов и Андреа Соколовски деновиве се интензивно на терен каде заедно со земјоделците ги подготвуваат апликациите за најновата мерка „Рурална Жена“ .

-Интересот е солиден со оглед на тоа дека се работи за нова мерка. Не е комплицирана постапката, не се бараат многу документи и ние веќе подготвивме десетина апликации во неготинско – вели Данаилов.

„Во тек е мерката 115 за „Рурална жена“. Мерката е за опрема за послебербени активности , за праработки. Како лозарски крај најмногу е за преработки од грозје, како што се сокови, маџун, вино, оцет..Засега мерката тече добро, нема проблеми околу аплицирањето. Тоа се прави електронски, земјоделците треба само да обезбедат понуда и деловен план кој ние го изработуваме. Аплицирањето го правиме ние во АПРЗ и комплетната апликација ја доставуваме до земјоделецот кој по пошта ја праќа до Платежната агенција“ – вели за Агротим, Данаилов.

Пријавувањето за мерката трае до 26 декември и сите заинтересирани земјоделци од Неготинско можат да се обратат во канцеларијата на Агенцијата за поттикнување на развојот на земјоделството (Зграда на Општина Неготино) или на телефонскиот број на советникот Ѓоко Данаилов 070 409 042

И во битолско постои интерес за мерката „Рурална жена“ , вели за Агротим советникот Андреа Соколовски.

Тука сме да им помогнеме на земјоделците да аплицираат и да ги искористат овие неповратни средства од Владата за набавка на опрема за доработка на земјоделски производи. Апликацијата се изработува електронски и ние тоа го правиме за земјоделците, како и деловен план потребен при апликацијата за мерката – вели Соколовски.

За сите дополнителни информации додека трае повикот за мерката „Рурална жена“ земјоделците од битолско може да го контактираат советникот Сокололовски на телефонскиот број – 070 409 048 или да дојдат лично во канцеларијата на АПРЗ – Ул. Климент Охридски ББ ламерла 5/3 Пелагонка 2 Битола.

Ul. Kliment Ohridski bb lamela 5/3 pelagonka 2 Bitola

Во продолжение прочитајте за една од жените земјоделки која аплицира на повикот со помош од советникот Соколовски.

Пример за успешна рурална жена – Мирјана Митровска од село Добрушево