Преку новиот модел стратешките важни култури ги издвојуваме и предвидуваме дополнителна субвенција со цел уште поголемо домашно производство на стратешките култури и помала увозна звисност, рече министерот за земјоделство, шумарство и водостопанство, Љупчо Николовски.
„Во изминатите неколку години бележиме пораст кај јачменот, 15 пати повеќе извезуваме и притоа ги задоволуваме домашните потреби. Се постигнаа и цени кои се добри годинава. Оваа година откупот на пченицата стаса и до 20 денари, кај јачменот 17.
Целосно извозно ориентирани сме во делот на тутунот, 120 милиони евра девизен прилив само од тутунот, а 80 милиони евра од конзервната индустрија. Го зголемивме извозот и на флаширано вино за една третина.
ЕУ во вчерашниот извештај даде позитивни критики во делот на искористеност на ИПАРД3, со инвестиции од околу 80 милиони евра и 2400 склучени договори.
Благодарение на одличната искористеност сега ни се овозможени 97 милиони евра односно 60% зголемен буџет.“, рече Николовски.
