Со неговата екселенција Zhang Zuo, почитуваниот амбасадор на Народна Република Кина разговаравме за исклучителната соработка која ја имаат нашите земји во делот на земјоделството.
Со Кина имаме одлична трговска размена во годините наназад при што добар дел од земјоделските производи вклучително и македонскиот тутун завршуваат на нивниот пазар.
Денес разговаравме за модели на проширување на оваа соработка и можноста за претставување на македонското вино на пазарите во Кина како посебен производ на кој особено сме горди како држава и чии квалитети треба да ги промовираме дури и во далечните азиски пазари.
Преку оваа средба отвараме можност за директно поврзување на бизнис заедницата од двете земји, од што очекуваме резултат на зголемена трговска размена и дополнителна соработка во делот на реализација на инвестиции во системи за наводнување.
Активни сме во процесот на промовирање на домашното производство на храна, кое во кризни времиња преку програмите на министерството го унапредивме и зајакнавме, со што последователно работиме посветено на промовирање на домашниот бизнис и извозот на странските пазари.
Фејсбук-статус на министерот Љупчо Николовски
