Силно невреме со пороен дожд, грмежи и град вчера го погоди Ресен.
Делови од градот останаа без елекрична енергија.
Од Општина Ресен за МИА потврдуваат дека невремето, обилниот дожд, градот и грмотевиците предизвикаа штети кои ќе се евидентираат во текот на денешниот ден.
Силните грмотевици предизвикаа неколку часовен прекин во снабдувањето со електричната енергија во Отешево и неколку други населени места, а во градот струја немаше еден час. Најголема штета е предизвикана кај јаболката, но и други земјоделски насади, посочија вечерва од тамошната локална самоуправа.
Земјоделците од село Волкодери јавуваат за штети од град на овошните насади.
